დღევანდელი დღის განმავლობაში ნაპოვნია და შეფუთულია „ბოინგ -777"-ის მგზავრების 31 ცხედარი და 21 ფრაგმენტი ცხედრებისა. ინფორმაციას ამის შესახებ უკრაინის მინისტრთა კაბინეტის პრესსამსახური ავრცელებს.
მთლიანობაში 12:00 საათის მონაცემები, ტრაგედიის ადგილზე ნაპოვნია და შეფუთულია 282 მგზავრის ცხედარი და 87 ფრაგმენტი. 251 ცხედარი და 66 ფრაგმენტი რეფრიჟერატორებში (სარკინიგზო ვაგონი) არის მოთავსებული.
მინისტრთა კაბინეტის ინფორმაციით, ბოევიკები რეფრიჟერატორებს ქალაქ ტორეზის სარკინიგზი სადგურიდან არ უშვებენ.
ტერაქტის მსხვერპლთა ცხედრების ძებნა გრძელდება. უკვე დათვალიერებულია 120 კვ,კმ ტერიტორია. საძიებო სამუშაოებში 810 ადამიანი მონაწილეობს, მათ შორის 355 სპეციალისტი სახელმწიფო საგანგებო სიტუაციების სამსახურიდან, დანარჩენები მოხალისეები არიან ადგილობრივი მოსახლეობიდან.
