პრეზიდენტი გიორგი მარგველაშვილი პარლამენტში მივიდა. როგორც ჟურნალისტებთან მარგველაშვილმა განაცხადა მას სურს ამ მნიშვნელოვან დღეს ქართველ კანონმდებლებთან ერთად იყოს.
,,ბუნებრივია ამ დღეს, როცა ხდება საქართველოში ამ ისტორიული ნაბიჯის დამტკიცება რომელიც ავირჩოეთ როგორც პოლიტიკური მიზანი მინდა ვიყო ქართულ პარლამენტთან ერთად და გავიზიარო მათთან ერთად ეს დღე", _განაცხადა მარგველაშვილმა.
მისივე განცხადებით, ის პარლამენტში სიტყვით გამოსვლას არ გეგმავს.
შეგახსენებთ, რომ დღეს 18 ივლისს საქართველოს პარლამენტმა ევროკავშირთან ასოცირების ხელშეკრულების რატიფიცირება უნდა მოახდინოს. რიგარეშე სხდომაზე ევროკავშირთან ასოცირების ხელშეკრულების შესახებ საგარეო და ეკონომიკის მინსიტრებმა უკვე ისაუბრეს.
კენჭისყრის დაწყებამდე დეპუტატებს საქართველოს პრემიერ-მინისტრი ირაკლი ღარიბაშვილი და მოწვეული სტუმრები მიმართავენ.
სხდომას ევროკომისარი შტეფან ფულე, ასევე ლატვიისა და ბულგარეთის საგარეო საქმეთა მინისტრები დაესწრებიან.
კენჭისყრის დასრულების შემდეგ გაიმართება საზეიმო ღონისძიება.
