კოალიცია ,,ქართული ოცნების" წევრის თინა ხიდაშელის განცხადებით, პრეზიდენტსა და პრემიერს მოსაწვევის გარეშე შეუძლიათ დაესწრონ პარლამნეტის სხდომას. როგორც ხიდაშელმა პრეზიდენტის პარლამენტში გადაწყვეტილების მისვლის საპასუხოდ განმარტა იგი დარწმუნებული იყო, რომ მარგველაშვილი რატიფიცირების პროცესს დაესწრებოდა.
,,პრეზიდენტსა და პრემიერ-მინისტრს არანაირი მოსაწვევი არ სჭირდებათ. ეს არის ის ორი თანამდებობის პირი, რომელთაც მოსაწვევის გარეშე მათი სურვილის, ინტერესის მიხედვით ნებისმიერ წამს შეუძლიათ მოვიდნენ პარლამენტში და დაესწრონ სხდომას", _განაცხადა ხიდაშელმა.
დღეს 18 ივლისს საქართველოს პარლამენტმა ევროკავშირთან ასოცირების ხელშეკრულების რატიფიცირება უნდა მოახდინოს. რიგარეშე სხდომაზე ევროკავშირთან ასოცირების ხელშეკრულების შესახებ საგარეო და ეკონომიკის მინსიტრებმა უკვე ისაუბრეს.
კენჭისყრის დაწყებამდე დეპუტატებს საქართველოს პრემიერ-მინისტრი ირაკლი ღარიბაშვილი და მოწვეული სტუმრები მიმართავენ.
სხდომას ევროკომისარი შტეფან ფულე, ასევე ლატვიისა და ბულგარეთის საგარეო საქმეთა მინისტრები დაესწრებიან. rატიფიცირების პროცესს პრეზიდენტი გიორგი მარგველაშვილიც დაესწრება.
კენჭისყრის დასრულების შემდეგ გაიმართება საზეიმო ღონისძიება.
