„ორი წლის წინ, ევროპელებს, დიდი ხნის დაყვავების შემდეგ კადაფთან ბრძოლამ მიუწიათ, რომლის სპეცსამსახურებმა შოტლანდიის თავზე ბოინგი ჩამოაგდეს, რომელშიც 300 მგზავრი იჯდა. გუშინ, ევროპის საბჭო ისევ ვერ შეთანხმდა სერიოზულ, ანუ სექტორალურ სანქციებზე", - წერს სოციალურ ქსელში თავის გვერდზე საქართველოს ყოფილი პრეზიდენტი მიხეილ სააკაშვილი.
„გუშინ ცოცხალი ადამიანებით სავსე თვითმფრინავი ციდან ჩამოვარდა. მაგრამ ეს ტრაგედია ციდან არ ჩამოვარდნილა, ის დიდი ხანია მზადდებოდა.
ევროპის თვალწინ რუსული ჯავშანტექნიკა და ჰაერსაწინააღმდეგო თავდაცვის სისტემები სუვერენული უკრაინის საზღვარს კვეთენ, ევროპის ყველაზე დიდი სახელმწიფოს ტერიტორიას და ევროპა კი უსირცხვილოდ სხვა მხარეს იყურება.
რამდენიმე თვის წინ, ბრიუსელში გამართულ ფორუმზე ჩემი კრიტიკული გამოსვლის დროს, ერთ ერთი დიდი ევროპული ქვეყნის საგარეო საქმეთა მინისტრმა, რომლის წარმომადგენელსაც საგარეო ურთიერთობათა საკითხებში ევროკავშირის უმაღლესი კომისრის თანამდებობას უწინასწარმეტყველებენ მე მკითხა: „და რას გვთავაზობთ რუსეთი დავბომბოთ?", რაზეც მე მას ვუპასუხე: „არა, დაელოდეთ, თუ როდის დაგბომბავთ ის თქვენ".
რა თქმა უნდა მრავალმა იმ დარბაზში ჩემი რეპლიკა არადიპლომატიურად ჩათვალა და აი რუსული რაკეტა, რომელიც უეჭველად პუტინის დავალებით იქნა გადაცემული ტერორისტებისათვის ევროპის მოქალაქეებით სავსე თვითმფრინავს მოხვდა",_ წერს სააკაშვილი.
„პუტინმა რა თქმა უნდა უმალვე ამაში ყველაფერში უკრაინა დაადანაშაულა, აი ნუ გასწევდა უკრაინა წინააღმდეგობას და აღარც ვერტმფრენების ჩამოგდება იქნებოდაო საჭირო. ეს ცინიკურია. მაგრამ პუტინმა იცის ვისთვის უნდა ილაპარაკოს.
როდესაც ჩვენთან, ქალაქ გორს ინტენსიურად ბომბავდა რუსეთის ავიაცია კასეტური ბომბებით, რომლებმაც ჰოლანდიელი ჟურნალისტის სიცოცხლე შეიწირა, მისმა ევროპელმა კოლეგამ, დაგმო რა რუსეთი ასევე განაცხადა, რომ ჟურნალისტის გარდაცვალებაში ბრალი საქართველოს მიუძღვის, რომელმაც თავისი წინააღმდეგობით რუსეთის დაბომბვა გამოიწვია.
რა თქმა უნდა მთელი ამ განუკითხაობის მთავარი დამნაშავე კრემლში ზის, მაგრამ მხარდამჭერების გარეშე ბერლინში, ბრიუსელში, რომში და ა.შ კრემლის ეს სისხხლისმსმელი ვერ გაბედავდა ყოველდღიურ სისხლიან ნადირობაზე გამოსვლას", - წერს მიხეილ სააკაშვილი და დასასრულს აღნიშნავს, - „ჰო, და კიდევ ის, რომ რაღაც ძალიან ნელა მიდის ფრანგების მიერ მისტრალის მშენებლობა, უნდა დაჩქარდეს! წარმოგიდგენიათ, უცბად რამდენად მეტი ადამიანის მოკვლა იქნება შესაძლებელი, როდესაც ხელში ასეთი ტექნოლოგიური სასწაული გაქვს", - წერს ბოლოს მიხეილ სააკაშვილი.