ყოფილი დიპლომატის ეროსი კიწმარიშვილის ძმა ზურაბ კიწმარიშვილი ,,ჯი-ეიჩ-ენისთვის" კონფიდენციალური წყაროს მიერ მიწოდებული ინფორმაციაზე კიწმარიშვილის მანქანიდან 20 ათასი ლარი დაკარგვის შესახებ, "რუსთავი 2"-თან განმარტებას აკეთებს და აცხადებს, რომ მისთვის უცნობია იყო თუ არა რეალურად აღნიშნული თანხა მისი ძმის მანქანაში.
,,ამ ინფორმაციის შესახებ ახლახან გავიგე. ამის შესახებ მე არანაირი ინფორმაცია არ მქონდა. მე შემიძლია ერთადერთი გითხრათ რომ მანქანაში იყო საბანკო ქვითრები და, შესაძლოა, მას რაღაც თანხა მართლაც ჰქონდა, არ ვიცი. ვერც იმას დავადასტურებ მანქანაში იყო თუ არა თანხა, ან რა პირობებში შესაძლოა გამქრალიყო ამაზეც ვერაფერს გეტყვით", -განაცხადა ზურაბ კიწმარიშვილმა.
ეროსი კიწმარიშვილის მანქანიდან 20 ათასი ლარი გაქრა, - ამის შესახებ "ჯი-ეიჩ-ენს" კიწმარიშვილის ახლობელმა კონფედენციალურობის დაცვის გარანტიით განუცხადა.
"დიახ, ეროსის მანქანიდან 20 ათასია გამქრალი და ამაზე არავინ არაფერს ლაპარაკობს", - განუცხადა "ჯი-ეიჩ-ენს" კონფიდენტმა. მისი თქმით, ეს თანხა რუსთავის არჩევნეში კიწმარიშვილის დამხმარე პირებისთვის იყო განკუთვნილი და თანხა კიწმარიშვილის გარდაცვალების დღეს უნდა დარიგებულიყო, ან უკიდურეს შემთხვევაში მეორე დღეს.
"წინა დღეს მომზადდა სიუჟეტი, რომ ეროსი მათ ხელფას არ აძლევდა. მეორე დღეს ეროსიმ დაიბარა გია ხევიაშვილი. ჩადის ხევიაშვილი 4 კაცთან ერთად. მას შემდეგ რაც ეროსიმ მის სატელეფონო ზარს არ უპასუხა, ხევიაშვილი, ეროსისთან სახლთან მივიდა. ავიდა სახლში, ზარი დარეკა, თუმცა კარი არავინ გაუღო და შემდეგ ავტოფარეხში ჩავიდა 4 კაცთან ერთად. ნახა მანქანის ფარები ანთებულია. ეროსი ღვედით ზის მანქანაში და მოკლულია", - აცხადებს კონფიდენტი.
მისივე თქმით, კიწმარიშვილის მკვლელობა გარკვეულ ასოციაციებს იწვევს. "გახსოვთ როგორ მოკლეს "პაცნებმა" საწყალი ზვიად ცეცხლაძე? იგივე ხომ არაა? ან ვინ იცოდა, რომ მას ფული ჰქონდა? - ახლობელმა, ვინც ჩაუშვა ფული აქვსო?", - აცხადებს კონფიდენტი.
ეროსი კიწმარიშვილი საკუთარი სახლის ავტოსადგომზე, მის კუთვნილ ავტომაქანაში გარდაცვლილი იპოვეს. გამოძიება სსკ-ის 115-ე მუხლით მიმდინარეობს.
