საქართველოს ყოფილ პრეზიდენტს ედუარდ შევარდნაძეს კვირას, 15:00 საათზე სამების საკათედრო ტაძრიდან გამოასვენებენ. ამის შესახებ, გადაწყვეტილება დამკრძალავი სამთავრობო კომისიის სხდომაზე მიიღეს.
სხდომას პრემიერი ირაკლი ღარიბაშვილიც ესწრებოდა.
ედუარდ შევარდნაძის დაკრძალვას საერთაშორისო დელეგაციები და უცხოეთიდან ჩამოსული სტუმრები დაესწრებიან. ყველა სხვა საკითხს კომისია ოჯახთან შეთანხმებით გადაწყვეტს.
შეგახსენებთ, რომ საქართველოს ექსპრეზიდენტი ედუარდ შევარდნაძე კრწანისის რეზიდენციაში გუშინ, 7 ივლისს, 86 წლის ასაკში, გარდაიცვალა.
მასალის გამოყენების პირობები
