როგორც პროკურორმა კოკა კაციტაძემ ჟურნალისტების წინაშე განაცხადა, ყველა იმ ჩანაწერის, ტექნიკური მოწყობილობის ამოღება მოხდება, რომელზეც ტელეკომპანია ფიქრობს, რომ საეჭვოა. ასევე მოხდება ყველა იმ პირის დაკითხვა, მათ შორის, "რუსთავი 2"-ის თანამშრომლების, რომლებიც ინფორმაციას ფლობენ.
"გამოძიება მიმდინარეობს საქართველოს სისხლის სამართლის კოდექსის 158-ე მუხლის საფუძველზე, რაც გულისხმობს კერძო საუბრების, კერძო კომუნიკაციის, საიდუმლოს დარღვევას. მთავარ პროკურატურაში შექმნილია საგამოძიებო ჯგუფი, რომელიც ჩაატარებს ყველა საგამოძიებო მოქმედებას და ღონისძიებას, რათა საქმეზე დადგინდეს ობიექტური ჭეშმრიტება," -განაცხადა კაციტაძემ.

ამავდროულად, პროკურატურა მიმართავს "რუსთავი 2"-ის თანამშრომლებს, აქტიურად ითანამშრომლონ საგამოძიებო სამსახურთან, რათა უმოკლეს დროში მოხდეს გავრცელებული ვიდეომასალის წარმომავლობისა და შესაძლო დანაშაულში მონაწილე ყველა პირის გამოვლენა", - განაცხადა კაციტაძემ.

მისი განცხადებით, საგამოძიებო ჯგუფი "რუსთავი 2"-ში უკვე გასულია.
ტელეკომპანია "რუსთავი 2"-ის ხელმძღვანელობამ დღევანდელ პრესკონფერენციაზე განაცხადა, რომ აღმოჩენელია ვიდეომასალა, სადაც ნიკა გვარამიასა და ნინო შუბლაძეს საუბრებია აღბეჭდილი. ნიკა გვარამიამ ინფორმაციის წყაროდ შსს დაასახელა.