მთავრობის სარეზერვო ფონდიდან სამხედრო პირთა სხვადასხვა კიდურის პროთეზირებისათვის და სამედიცინო მომსახურების გასაწევად თავდაცვის სამინისტროს დამატებითი თანხა გამოეყო.
როგორც მთავრობის განკარგულებაშია აღნიშნული სამხედრო მოსამსახურეებისათვის, რომლებმაც სამშვიდობო მისიებში და საქართველოს ტერიტორიული მთლიანობისათვის ბრძოლაში მიღებული ტრავმის შედეგად დაკარგეს სხვადასხვა კიდური, საპროთეზო და სამედიცინო მომსახურების (მიმწოდებელი - Peter Harsch Prosthestics) შესაძენად საჭირო ხარჯების დაფინანსების მიზნით, საქართველოს ფინანსთა სამინისტრომ „საქართველოს 2013 წლის სახელმწიფო ბიუჯეტის შესახებ" საქართველოს კანონით გათვალისწინებული საქართველოს მთავრობის სარეზერვო ფონდიდან საქართველოს თავდაცვის სამინისტროს გამოუყოს 866 000 აშშ დოლარის ეკვივალენტი ლარი.
