საქართველოს მართლმადიდებელი ეკლესიის პატრიარქმა ილია მეორემ საარჩევნო პროცედურა დაარღვია.
საარჩევნო უბანზე პატრიარქმა ხმა მარკირების გავლის გარეშე მისცა.
პატრიარქის საარჩევნო უბანზე მისვლამდე რამდენიმე წუთით ადრე, მისი დაცვის თხოვნით, წინასწარ გაამზადეს ბიულეტენები.
ხმის მიცემამდე, საარჩევნო კომისიის რეგისტრატორმა ილია მეორეს ხელზე აკოცა, რის შემდეგაც პატრიარქი საარჩევნო კაბინაში შევიდა და არჩევანი დააფიქსირა.
ცნობისთვის, საქართველოში თვითმმართველობის არჩევნები მიმდინარეობს. მოქალაქეები მთელი ქვეყნის მასშტაბით 64 საკრებულოს 2 058 დეპუტატს და 64 მერს პირდაპირი წესით, 4 წლის ვადით აირჩევენ.
