ევროკავშირი კორონავირუსთან საბრძოლველად 230 მლნ ევროს გამოყოფს.

ამის შესახებ იუწყება Euronews-ი კრიზისების მართვის საკითხებში ევროკომისარ იანეს ლენარჩიჩისა და სურსათის უვნებლობის კომისარ სტელა კირიაკიდუს განცხადებაზე დაყრდნობით.

მათი თქმით, გამოყოფილი თანხა შემდეგნაირად განაწილდება:

114 მლნ ევრო გადაეცემა ჯანმრთელობის მსოფლიო ორგანიზციას ეპიდემიის წინააღმდეგ გლობალური მზადყოფნის დასაფინანსებლად;

15 მლნ ევრო ევროკავშირის პარტნიორ ქვეყნებს ვირუსის წინააღმდეგ საბრძოლველად გადაეცემა;

100 მილიონი ევრო ვაქცინების შემუშავებისა და მკურნალობის კვლევების დაფინასებისთვის;

3 მილიონ ევროს კი ევროკავშირის წევრი ქვეყნები დამცავი აღჭურვილობის შესაძენად და თავიანთი მოქალაქეეების სამშობლოში დასაბრუნებლად დახარჯავენ.

ამავდროულად, ევროკომისია აცხადებს, რომ ამ ეტაპზე არ დაწესდება შეზღუდვები მოგზაურობასა და ვაჭრობაზე.

მსოფლიოში კორონავირუსს უკვე 2 600-ზე მეტი ადამიანი ემსხვერპლა, დაავადება 29 ქვეყანაშია გავრცელებული.