ოკუპანტებმა სოფელ კირბალიდან 17 წლის ალეკო შიუკაშვილი გაიტაცეს. გავრცელებული ინფორმაციით, მოზარდი ტყეში შეშის მოსაგროვებლად იყო წასული.
სახელმწიფო უსაფრთხოების სამსახური ადასტურებს გატაცების შემთხვევას. უწყებაში აცხადებენ, რომ საკითხთან დაკავშირებით ამოქმედებულია ცხელი ხაზი, ინფორმირებულია ევროკავშირის სადამკვირვებლობლო მისია.
სოფელ კირბალიდან გატაცებული მოზარდი გადაყვანილია ცხინვალში. როგორც დავით ქაცარავა ამბობს, კირბალის შესასვლელთან დგანან პოლიციელები და ისინი სოფელში არ უშვებენ აქტივისტებს.
ხელისუფლების წარმომადგენლები აცხადებენ, რომ ეს რუსეთის მორიგი პროვოკაციაა არა მარტო საქართველოს, არამედ მთელი საერთაშორისო თანამეგობრობის წინააღმდეგ მიმართული.