ავსტრალიის ხელისუფლებამ კავშირი დაკარგა თვითმფრინავთან, რომელიც ახალი სამხრეთ უელსის შტატში ტყის ხანძრის ჩაქრობის ოპერაციაში მონაწილეობდა. ამის შესახებ სახანძრო სამსახური ინფორმაციას Twitter-ზე ავრცელებს.
ავიატანკერი სნოუი მონაროს რაიონში მუშაობდა.
ხანძრებმა ავსტრალიაში, რომელიც სექტემბრიდან მძვინვარებს, 28 ადამიანი იმსხვერპლა და 2000-ზე მეტი საცხოვრებელი სახლი გაანადგურა.
სიდნეის უნივერსიტეტის კვლევის მიხედვით, ავსტრალიაში ტყის ხანძრებს მილიარდამდე ცხოველი ემსხვერპლა.
ევროკავშირის კოპერნიკის მონიტორინგის პროგრამის ინფორმაციით, ხანძრის შედეგად ატმოსფეროში 400 მეგატონა ნახშირორჟანგი გამოიყო. ექსპერტების აზრით, ხანძრების უპრეცედენტო მასშტაბი და ინტენსივობა კლიმატის ცვლილებით არის განპირობებული.