დღეიდან, იაპონური სწრაფი კვების ქსელში ქართული კერძი, შქმერული გაიყიდება. ამის შესახებ ინფორმაციას იაპონიაში საქართველოს საელჩო ავრცელებს.
"დღეიდან იაპონური სწრაფი კვების ქსელ მაცუიას ათასამდე ფილიალში გაიყიდება ქართული კერძი, შქმერული. აღსანიშნავია, რომ ყველა ფილიალში გამოაკრეს პოსტერი, რომელზეც დატანილია საქართველოს რუქა, დროშა და ქვეყნის შესახებ მოკლე ინფორმაცია", - აღნიშნულია საელჩოს განცხადებაში.