ბულგარეთმა ქვეყნიდან რუსი დიპლომატი, ბულგარეთში რუსეთის საელჩოს პირველი მდივანი, გააძევა.
ბულგარეთის პროკურატურის ინფორმაციით, რუსი დიპლომატი რუსეთის სასარგებლოდ ჯაშუშობაშია ეჭვმიტანილი.
როგორც ცნობილია, საელჩოს პირველი მდივანი ხშირად მართავდა საიდუმლო შეხვედრებს სხვადასხვა ადამიანებთან, რომელთაც ჰქონდათ წვდომა საკუთრივ ბულგარეთის, ასევე, ევროკავშირისა და ნატოს საიდუმლო დოკუმენტებთან.
პროკურატურის განცხადებით, დიპლომატი აგროვებდა ინფორმაციას, რათა ის უცხო ქვეყნისთვის გადაეცა.
ბულგარეთის საგარეო უწყების ცნობით, რუსმა დიპლომატმა ქვეყანა უკვე დატოვა.