ბრიტანელი მილიარდერის, რიჩარდ ბრენსონის კომპანია Virgin Galactic-მა კომერციული კოსმოსური ფრენები დააანონსა და ნიუ მექსიკოში პირველი გალაქტიკური აეროპორტი გახსნა.
კომპანიაში აცხადებენ, რომ 2023 წელს ყოველ 32საათში, ერთ კოსმოსურ ხომალდს გაუშვებენ.
ფრენები 2020 წელს იწყება. ბილეთის ღირებულება 250 000 ამერიკული დოლარია. აღსანიშნავია, რომ კომპანიამ 600 ბილეთი უკვე გაყიდა.
Virgin Galactic-ი ფრენების შესრულებას ე.წ. კარმანის ხაზზის მიმდებარედ, დედამიწის ზედაპირიდან 100 კილომეტრის სიმაღლეზე (ამ სიმაღლიდან იწყება კოსმოსი), სუბორბიტალურ სარტყელში განახორციელებს.
2020 წელს Virgin Galactic-ი 16 ფრენას შეასრულებს. თითოეულის ხანგრძლივობა 90 წუთი იქნება. კოსმოსის პირველ ტურისტებს საშუალება ექნებათ დატკბნენ დედამიწის შესანიშნავი ხედებით.
კომპანიაში აცხადებენ, რომ მომდევნო 4 წლის განმავლობაში, 5 კოსმოსური ხომალდი აიგება.
თუ 2020-2023 წლებში კომპანიის ყველა ბილეთი გაიყიდება, კოსმოსის მონახულებას 3242 ადამიანი შეძლებს. Virgin Galactic-ის მიზნობრივი აუდიტორია მინიმუმ 10 ან მეტი მილიონი დოლარის მქონე ადამიანები არიან.