ამ დროისთვის, მსოფლიოს სხვადასხვა მხარეს მოკლულია 80 ჟურნალისტი, ხოლო დაკავებული 358. აღნიშნული ინფორმაცია ასახული უფლებამდამცველი ორგანიზაციის "რეპორტიორები საზღვრებს გარეშე"-ს კვლევაში.
"80 დაღუპული, 358 დაკავებული - ჟურნალისტების მიმართ ძალადობამ ამ წელს უპრეცენდენტო მასშტაბებს მიაღწია", - განაცხადა ორგანიზაცია „რეპორტიორების საზღვრების გარეშე“-ს ხელმძღვანელმა ქრისტოფ დელუარმა.
"ჟურნალისტების მიმართ სიძულვილი ღიად გამოვლინდა არაკეთილსინდისიერი პოლიტიკოსების, რელიგიური ლიდერებისა და ბიზნესმენების მხრიდან", - დასძინა მან.
მართალია, ორგანიზაცია პირდაპირ არ მიუთითებს დონალდ ტრამპის დამოკიდებულებას ჟურნალისტების მიმართ, რომელიც მათ „ხალხის მტრებს“ უწოდებს, მაგრამ დელუარის თქმით, სიძულვილის გამოხატვა ძალადობის ლეგიტიმაციას ახდენს.
ჟურნალისტებისთვის ყველაზე მეტად საშიში ქვეყანა ავღანეთია, სადაც 15 ჟურნალისტია მოკლული.
