29 ნოემბერს, სასტუმრო Holiday Inn-ში ქართული და უცხოური წვენების უპრეცედენტო მასშტაბის ბრმა დეგუსტაცია შედგება.
ბრმა დეგუსტაციის ორგანიზატორია მოძრაობა KAR.GE – http://kar.ge, პარტნიორები კი საქართველოს სასტუმროებისა და რესტორნების ფედერაცია - http://horeka.ge და ხარისხის ლაბორატორია - http://qlab.ge.
6 არომატის 8 ბრენდის 29 დასახელების ქართულ და უცხოურ წვენებს 50-მდე მოწვეული დეგუსტატორი ბრმა დეგუსტაციის მეთოდით შეაფასებს. შედეგები ადგილზე ანალიზდება და გამოცხადდება ღონისძიების დასრულებისთანავე.
მოწვეულია 50-მდე დეგუსტატორი ძირითადში სასტუმრო და სარესტორნო სფეროებიდან. წვენების შეფასებაში ასევე მონაწილეობენ ჟურნალისტები, ექსპერტები და უბრალოდ დაინტერესებული ადამიანები, რომელთაც ჩართულობის ინტერესი გამოთქვეს 21 ნოემბერს ანონსის ღიად მოძრაობა KAR.GE-ს ინტერნეტ ქსელში გავრცელების შემდეგ.
“ჩვენი მიზანია კომპეტენტურმა / დაინტერესებულმა საზოგადოებამ ბრმა დეგუსტაციის გზით გასინჯოს და ერთმანეთს შეადაროს სხვადასხვა ქართული და უცხოური ბრენდების წვენები და ყველას თვალწინ გამოვავლინოთ გამარჯვებულები “ - ტარიელ ზივზივაძე, მოძრაობა KAR.GE-ს დამფუძნებელი.
ბრმა დეგუსტაციების პროექტი მოძრაობა KAR.GE-ს ახალი ინიციატივაა, რომელი 2016 წლის თებერვალში დაანონსდა. ხანგრძლივვადიანი მოსამზადებელი სამუშაოების შემდეგ დაინიშნა პირველი - ქართული და უცხოური წვენების ბრმა დეგუსტაცია, რომელიც 29 ნოემბერს ჩატარდება.
