საქართველოს პრეზიდენტმა უნგრეთის პრემიერ-მინისტრთან გამართა შეხვედრა
საქართველო, თბილისი - 2012-09-26 21:44:00მხარეებმა ორ ქვეყანას შორის თანამშრომლობის პერსპექტივა განიხილეს. უნგრულმა მხარემ გამოთქვა სურვილი სოფლის მეურნეობის სფეროში ერთობლივი პროექტები განხორციელდეს. ვიზიტის ფარგლებში, საქართველოსა და უნგრეთის სოფლის მეურნეობის სამინისტროებს შორის თანამშრომლობის მემორანდუმს მოეწერება ხელი.
ვიქტორ ორბანმა დღესვე საქართველოს ერთიანობისთვის დაღუპულ გმირთა მემორიალი გვირგვინით შეამკო. საქართველოში ვიზიტის ფარგლებში, იგი ქართველ კოლეგას ვანო მერაბიშვილს შეხვდება და მოლაპარაკებას საქართველოს პარლამენტის თავჯდომარესთან, დავით ბაქრაძესთანაც გამართავს.
უნგრეთის პრემიერ-მინისტრი 27 სექტემბერს ქუთაისის დავით აღმაშენებლის საერთშორისო აეროპორტის გახსნის ცერემონილაში მიიღებს მონაწილეობას.
ვიქტორ ორბანი საქართველოში ორდღიანი ოფიციალური ვიზიტით იმყოფება და ქვეყანას 27 სექტემბერს დღის მეორე ნახევარში დატოვებს.