ხვალ ბელა ჩეკურიშვილის პოეტური კრებულის პრეზენტაცია გაიმართება
საქართველო, თბილისი - 2012-06-21 19:04:00"თუ სამყარო სეზონებადაა დაყოფილი და შენ გადამფრენი ხარ? თუ ყველაფერი სქესის მიხედვით ნაწილდებდა და სახელებად იყოფა? თუ შენი სიტყვა მხოლოდ ხმაურია და არა ღმერთი, თუნდაც წარსული დროის კატეგორიით?" - მსგავს შეკითხვებზე პასუხი სიზიფესთან ვიპოვე: ჩვენი ქვა იმდენჯერ უნდა ავიტანოთ მთაზე, რამდენჯერაც ჩამოგორდება. სამყაროში, სადაც ყველაფერი თითქოს ქვიშად ქცეულა და სიმყარე აღარაფერს აქვს, ჩემი ქვის მოძებნას მაინც შევეცადე", - წერს ავტორი.
ბელა ჩეკურიშვილმა დაამთავრა თბილისის სახელმწიფო უნივერსიტეტის ფილოლოგიის ფაკულტეტი. წლებია, მუშაობს ჟურნალისტად სხვადასხვა გამოცემაში. აქვეყნებს ლექსებს ქართულ პერიოდიკაში. გამოცემული აქვს სამი პოეტური კრებული - "ან... ან", "ღია ბარათები", "შეკითხვად სიზიფეს".