თსუ-სა და ზაარლანდის უნივერსიტეტს შორის თანამშრომლობის 30 წლისთავს ღონისძიება მიეძღვნება
საქართველო, თბილისი - 2012-05-18 09:02:00საზეიმო ღონისძიებას, რომელსაც საქართველოს პარლამენტის, განათლებისა და მეცნიერების სამინისტროსა და საზოგადოებრიობის წარმომადგენლები დაესწრებიან, თსუ-ის რექტორი ალექსანდრე კვიტაშვილი გახსნის.
ივანე ჯავახიშვილის სახელობის თბილისის სახელმწიფო უნივერსიტეტსა და ზაარლანდის (ზაარბრიუკენის) უნივერსიტეტს შორის თანამშრომლობა 30 წელია წარმატებით ხორციელდება. გერმანული კვირეულის ფარგლებში თსუ-ს ზაარლანდის უნივერსიტეტის პრეზიდენტი პროფესორი ფოლკერ ლინევებერი და მისი თანმხლები დელეგაციის წევრები ეწვევიან.
ორ უნივერსიტეტს შორის პარტნიორული ურთიერთობა სხვადასხვა ორგანიზაციის და ფონდის მხარდაჭერით, ასევე DAAD-ის მიერ დაფინანსებული პროგრამის "აღმოსავლეთის პარტნიორობის" ხელშეწყობით ხორციელდება.