სალომე ზურაბიშვილი დორტმუნდში ეროვნული ნაკრების თამაშს დაესწრება
საქართველო, თბილისი - 2024-06-18 18:48:00
საქართველოს პრეზიდენტი სალომე ზურაბიშვილი დორტმუნდში ევროპის ჩემპიონატზე ფეხბურთის ეროვნული ნაკრების თამაშს დაესწრება - ინფორმაციას პრეზიდენტის ადმინისტრაცია ავრცელებს.
საქართველოს პრეზიდენტი გერმანიის ფედერაციულ რესპუბლიკის ქალაქ დორტმუნდში ევროპის ჩემპიონატზე საქართველო - თურქეთის მატჩს დაესწრება და ეროვნულ ნაკრებს უგულშემატკივრებს," - წერია განცხადებაში.
"გამარჯვება ბიჭებო" - ამ სიტყვებით გაამხნევა პრეზიდენტმა ეროვნული ნაკრების ფეხბურთელები.
დორტმუნდში ქართველი გულშემატკივრების მსვლელობა დაიწყო. ქართველი ქომაგების არმია ქალაქის ცენტრალური პარკიდან დაიძრა და სტადიონისკენ მიემართებიან.