საქართველოს საფეხბურთო ნაკრებმა მონტენეგრო 3:1 დაამარცხა
საქართველო, თბილისი - 2024-06-10 00:42:00
საქართველოს საფეხბურთო ნაკრებმა ევროპის ჩემპიონატზე გერმანიაში გამგზავრების წინ ამხანაგური მატჩი მონტენეგროს ნაკრებთან გამართა. თამაში პოდგორიცაში გაიმართა. ქართველებმა მატჩი დამაჯერბლად ჩაატარეს და 3:1 გაიმარჯვეს.
ანგარიში მე-10 წუთზე ოთარ კიტეიშვილმა გახსნა. 34-ე წუთზე ხვიჩა კვარაცხელიამ მეკარესთან პირისპირ გიორგი მიქაუტაძე დატოვა, რომელმაც ზუსტი დარტყმა შეასრულა და ანგარიში 2:0 გახდა.
მეორე ტაიმში შეცვლაზე შესულმა იოვეტიჩმა ზუსტი დარტყმით ანგარიშში სხვაობა მინიმუმამდე შეამცირა – 1:2.
83-ე წუთზე ბუდუ ზივზივაძემ საქართველოს ნაკრებში თავისი მერვე გოლი გაიტანა. საბოლოოდ საქართველოს ნაკრებმა მონტენეგრო 3:1 დაამარცხა.
ფოტო: europop