ეს არის რუსეთის ჩარევა საქართველოში - ბრიტანეთის თავდაცვის მინისტრი
საქართველო, თბილისი - 2024-05-14 14:30:00
დიდი ბრიტანეთის თავდაცვის მინისტრი გრანტ შაპსი ტელეკომპანია Skynews-თან საუბრისას ეხმიანება საქართველოში "აგენტების კანონის" ხელმეორედ ინიცირებას და შემდგომ განვითარებულ მოვლენებს.
შაპსის განცხადებით, ის, რაც ახლა ხდება არის რუსეთის ჩარევა საქართველოში.
"ეს არის რუსეთის ჩარევა საქართველოში, ისეთივე, როგორიც ვნახეთ რუსეთის ჩარევა უკრაინაში, თუმცა უფრო აგრესიულად. პუტინს არ შეუძლია, არ ჩაერიოს სხვა ქვეყნების საქმეებში, ზოგჯერ ეს ხდება სამხედრო გზით, ზოგჯერ კი – გავლენის გამოყენებით. ეს არ არის კარგი მსოფლიოსთვის, არ არის კარგი თავისუფლებისა და დემოკრატიისთვის.
ჩვენ ვგმობთ ამ გავლენას, მოვუწოდებთ ხალხს, წინააღმდეგობა გაუწიოს ამ გავლენას, რომელიც რუსეთიდან მოდის. ვფიქრობ, ისინი ასე უნდა მოიქცნენ, რადგანაც პუტინმა აჩვენა არამხოლოდ საქართველოს, რომ არ არის კარგი მსოფლიოსა და მეზობლებისთვის", – აღნიშნა გრანტ შაპსმა.
'Putin cannot help by meddle...we do condemn that influence and we do encourage people to resist that influence from Russia'
— Sky News (@SkyNews) May 14, 2024
Defence Secretary @grantshapps on the protests in Georgia against a proposed law threatening press and civic freedoms.https://t.co/SdRRYJip5C
📺Sky 501 pic.twitter.com/ttYubBIlVJ