ევროკავშირი შეთანხმდა უკრაინისთვის 50 მილიარდი ევროს გამოყოფაზე
საქართველო, თბილისი - 2024-02-01 14:54:00
ევროკავშირის 27 წევრი სახელმწიფო უკრაინისთვის დამატებით 50 მილიარდი ევროს დახმარების პაკეტზე შეთანხმდა, განაცხადა ევროპულის საბჭოს პრეზიდენტმა, შარლ მიშელმა.
ეს ნიშნავს, რომ ევროკავშირის ლიდერებმა შეძლეს უნგრეთის წინააღმდეგობის დაძლევა, რომელმაც ვეტო დაადო პაკეტს დეკემბერში.
"ეს იძლევა გარანტიას უკრაინის დაფინანსება იყოს მუდმივი, გრძელვადიანი და პროგნოზირებადი. ევროკავშირმა გამოიჩინა ლიდერობა და პასუხისმგებლობა უკრაინის მხარდასაჭერის საკითხზე. ჩვენ ვიცით, რა დევს ფსონზე", – განაცხადა შარლ მიშელმა.
გადაწყვეტილება ბრიუსელში, ევროკავშირის საგანგებო სამიტზე მიიღეს.
კიევისთვის მრავალმილიარდიანი ევროს დაფინანსების პაკეტის დამტკიცების შემდეგ, უკრაინის პრემიერ-მინისტრმა დენის შმიჰალმა მადლობა გადაუხადა ევროკავშირის ლიდერებს "ურყევი მხარდაჭერისთვის".
Welcome an approval by #EUCO the decision on establishing of Ukraine Facility of up to €50 billion for 2024-2027.
— Denys Shmyhal (@Denys_Shmyhal) February 1, 2024
EU Member States one more time show their solidarity & unity in the actions to Ukrainian people to withstand the war.
Grateful to @CharlesMichel, the Leaders of EU…