უკრაინა მზად არის, მიიღოს სააკაშვილი, გასცეს მისი უსაფრთხოებისა და სათანადო მკურნალობის გარანტია, საქართველო, გააკეთე სწორი არჩევანი - მიხაილ პოდოლიაკი
საქართველო, თბილისი - 2022-12-20 18:53:00
უკრაინა მზად არის, მიიღოს სააკაშვილი, გასცეს მისი უსაფრთხოებისა და სათანადო მკურნალობის გარანტია, – ამის შესახებ უკრაინის პრეზიდენტის ადმინისტრაციის მრჩეველი მიხაილო პოდოლიაკი სოციალურ ქსელ „ტვიტერში“ წერს.
„შეუძლებელია, უყურო ადამიანის სიკვდილს ტელევიზიის პირდაპირ ეთერში. შეუძლებელია, უყურო, როგორ კლავენ საქართველოს ისტორიას და მის პრეზიდენტს ცივილიზებული სამყაროს თვალწინ. უკრაინა მზად არის, მიიღოს სააკაშვილი, გასცეს მისი უსაფრთხოებისა და სათანადო მკურნალობის გარანტია. საქართველო, გააკეთე სწორი არჩევანი“, – წერს მიხაილო პოდოლიაკი.
Impossible to watch person you know dying on TV live. Impossible to watch how the history of Georgia and its president is being killed in front of the civilized world. 🇺🇦 is ready to receive @SaakashviliM, guarantee his safety and proper treatment. Georgia, make the right choice.
— Михайло Подоляк (@Podolyak_M) December 20, 2022