უკრაინა ყირიმის "აქტიური დეოკუპაციისთვის" ემზადება
საქართველო, თბილისი - 2022-08-30 21:58:00
უკრაინის სარდლობა ყირიმის მაცხოვრებლებისთვის ევაკუაციის მარშრუტებს ავითარებს - იმ შემთხვევაში, თუ მათ სურთ "ნახევარკუნძულის დატოვება აქტიური დეოკუპაციის დროს". ამის შესახებ უკრაინის პრეზიდენტის აპარატის უფროსის მრჩეველმა მიხაილ პოდოლიაკმა Twitter-ზე განაცხადა.
"აშკარაა, რომ უკრაინისთვის მოქალაქეების სიცოცხლე უპირობო პრიორიტეტია", - წერს ის და ყირიმელებს სთხოვს, თავი აარიდონ სამხედრო ობიექტებს და შეამოწმონ თავშესაფრები.
Зрозуміло, що для 🇺🇦 життя громадян – безумовний пріоритет. Тому ми вже розробляємо евакуаційні маршрути для жителів окупованого Криму, охочих покинути півострів на час активної деокупації. Поки ж просимо всіх триматися якомога далі від військових об’єктів і перевірити укриття.
— Михайло Подоляк (@Podolyak_M) August 30, 2022
კონკრეტულად რას გულისხმობს პოდოლიაკი "აქტიურ დეოკუპაციაში" უცნობია, მაგრამ, სავარაუდოდ, საუბარია უკრაინის ჯარების მოსალოდნელ კონტრშეტევაზე ქვეყნის სამხრეთში, რომლის მიზანია 2014 წელს მოსკოვის მიერ ანექსირებული ყირიმის ავტონომიური რესპუბლიკის კიევის კონტროლის ქვეშ დაბრუნება.