"დემილიტარიზაცია ამოქმედებულია" - პოდოლიაკი ყირიმში აფეთქებაზე
საქართველო, თბილისი - 2022-08-16 13:22:00
16 აგვისტოს რუსეთის მიერ ანექსირებულ ყირიმში საბრძოლო საცავში აფეთქებას ეხმიანება უკრაინის პრეზიდენტის აპარატის უფროსის მრჩეველი მიხაილო პოდოლიაკი.
"ჯანკოის მახლობლად დილა აფეთქებებით დაიწყო. შეგახსენებთ: ნორმალური ქვეყნის ყირიმი დაკავშირებულია შავ ზღვასთან, მთებთან, დასვენებასა და ტურიზმთან, მაგრამ რუსების მიერ ოკუპირებული ყირიმი დაკავშირებულია საწყობების აფეთქებასთან და დამპყრობლებისა და ქურდების სიკვდილის მაღალ რისკთან. დემილიტარიზაცია ამოქმედებულია", - წერს პოდოლიაკი "ტვიტერში".
Ранок біля Джанкоя почався з вибухів. Ще раз нагадаю, що Крим нормальної країни — це про Чорне море, гори, відпочинок і туризм. А окупований російськими бойовиками Крим — це про вибухи складів і зростання смертельної небезпеки для загарбників і злодіїв. Демілітаризація в дії.
— Михайло Подоляк (@Podolyak_M) August 16, 2022
რუსეთს მიერ ანექსირებული ყირიმის ჩრდილოეთით, სოფელ მაისკოეში, ქალაქ ჯანკოიდან 20 კილომეტრში, საბრძოლო მასალების საცავში აფეთქება მოხდა, რასაც ხანძარი მოჰყვა.