ევროკავშირის საბჭომ აღიარა საქართველოს ევროპული პერსპექტივა

საქართველო, თბილისი - 2022-06-23 22:38:00

ევროკავშირის საბჭომ გადაწყვიტა აღიაროს საქართველოს ევროპული პერსპექტივა და მზადაა კანდიდატის სტატუსი მიანიჭოს, როგორც კი დასახული პრიორიტეტები შესრულდება, – ამის შესახებ ევროპული საბჭოს პრეზიდენტი, შარლ მიშელი „ტვიტერის“ გვერდზე წერს.

"ვულოცავ ქართველ ხალხს. ეს ისტორიული მომენტია ევროკავშირი -საქართველოს ურთიერთობებში: საქართველოს მომავალი ევროკავშირშია", - აღნიშნულია შარლ მიშელის ტვიტერის პოსტში.

შეგახსენებთ, ევროკავშირის საბჭომ უკრაინასა და მოლდოვას კანდიდატის სტატუსი მიანიჭა.