შარლ მიშელი ოდესაში ჩავიდა
საქართველო, თბილისი - 2022-05-09 17:47:00
ევროპული საბჭოს პრეზიდენტი შარლ მიშელი ოდესაში ჩავიდა. ამის შესახებ შარლ მიშელი "ტვიტერის" გვერდზე წერს.
"ევროპის დღის აღსანიშნავად ჩამოვედი ოდესაში, ქალაქში, სადაც პუშკინმა თქვა: „შენ შეგიძლია, ევროპა შეიგრძნო“ და ქალაქში, სადაც დღეს უკრაინელი ხალხი ცდილობს, მონუმენტები დაიცვას სარაკეტო თავდასხმებისგან და თავისუფლება რუსეთის აგრესიისგან. თქვენ მარტო არ ხართ. ევროკავშირი თქვენ გვერდით დგას", – წერს შარლ მიშელი მიკრობლოგ „ტვიტერზე“.
შარლ მიშელი უკრაინაში აპრილშიც იმყოფებოდა, მაშინ ის რუსებისგან გათავისუფლებულ ქალაქ ბუჩაში ჩავიდა.
I came to celebrate #EuropeDay in #Odesa, the city where Pushkin said that "you can feel Europe."
— Charles Michel (@eucopresident) May 9, 2022
And where today the Ukrainian people shield their monuments from bullets and rockets and their freedom from Russian aggression.
You are not alone.
The EU stands with you. pic.twitter.com/kneuEOvepb