მარიუპოლიდან ევაკუირებულია 500-მდე მშვიდობიანი მოქალაქე
საქართველო, თბილისი - 2022-05-06 12:47:00
მარიუპოლიდან, "აზოვსტალის" ქარხნიდან და მიმდებარე ტერიტორიებიდან კიდევ 500 მშვიდობიანი მოქალაქის ევაკუაცია მოხდა. ამის შესახებ ინფორმაციას უკრაინის პრეზიდენტის ოფისის ხელმძღვანელი ანდრეი ერმაკი Telegram-ზე ავრცელებს.
"მარიუპოლიდან და "აზოვსტალიდან" ჩავატარეთ ევაკუაციის რთული ოპერაციის მორიგი ეტაპი. შემიძლია ვთქვა, რომ შევძელით 500-მდე სამოქალაქო პირის გამოყვანა. უკრაინა გააგრძელებს ძალისხმევას, რათა გადავარჩინოთ ყველა მშვიდობიანი მოქალაქე და სამხედრო. დახმარებისთვის მადლობას ვუხდი გაეროს", - ამბობს ერმაკი.
გაეროს გენერალური მდივანი ანტონიო გუტერეში Twitter-ზე წერს, რომ წარმატებით განხორციელდა მშვიდობიანი მოქალაქეების ევაკუაცია და იმედს გამოთქვამს, რომ მოსკოვთან და კიევთან შემდგომი კოორდინაციით, მოსახლეობის ევაკუაცია გაგრძელდება.
"წარმატებით მოხდა 500-მდე ადამიანის ევაკუაცია "აზოვსტალის" ქარხნიდან, მარიუპოლიდან და მიმდებარე რაიონებიდან. ვიმედოვნებ, რომ მოსკოვთან და კიევთან შემდგომ კოორდინაციას მოყვება ახალი ჰუმანიტარული პაუზა, რათა უზრუნველვყოთ სამოქალაქო პირების უსაფრთხო გამოყვანა", - წერს გუტერეში.
In a joint @UN-@ICRC operation, 2 safe passage convoys successfully evacuated nearly 500 people from the Azovstal plant, Mariupol & surrounding areas.
— António Guterres (@antonioguterres) May 5, 2022
I hope that continued coordination with Moscow & Kyiv will lead to more humanitarian pauses to allow civilians safe passage.