მარიუპოლში სარდაფში გარდაცვლილი იპოვეს 91 წლის ქალი, რომელიც ნაციზმს გადაურჩა
საქართველო, თბილისი - 2022-04-20 20:20:00
უკრაინის ქალაქ მარიუპოლის საცხოვრებელი სახლის სარდაფში გარდაცვლილი იპოვეს 91 წლის ვანდა ობიედკოვა, რომელიც წარსულში ნაცისტური გერმანიის ოკუპაციას გადაურჩა. ამის შესახებ აუშვიცის (ოსვენციმი) მემორიალური მუზეუმი იტყობინება.
"10 წლის ასაკში ვანდა სემიონის ასული ობიედკოვა მარიუპოლის სარდაფში იმალებოდა და გადაურჩა გერმანულ ოკუპაციას 81 წლის შემდეგ, იგი გარდაიცვალა იმავე ქალაქის სარდაფში, როდესაც ემალებოდა რუსეთის ჯარებს", - წერს მუზეუმი ტვიტერზე.
At 10 years old, Vanda Semyonovna Obiedkova survived the Germans by hiding in a basement in Mariupol.
— Auschwitz Memorial (@AuschwitzMuseum) April 19, 2022
81 years later, she died in a basement in the same city as a victim of the horrific war hiding from the Russians.
Read more: https://t.co/6QPx6vahFh pic.twitter.com/TyjiyfK09A
შეგახსენებთ, მანამდე ხარკოვში, რუსეთის საოკუპაციო ძალების მიერ საცხოვრებელი სახლის დაბომბვისას საკონცენტრაციო ბანაკების ყოფილი ტყვე ბორის რომანჩენკო ემსხვერპლა.