საგარეო უწყება მკაცრად გმობს რუსეთის მიერ კრამატორსკის რკინიგზის სადგურის დაბომბვას
საქართველო, თბილისი - 2022-04-08 23:13:00
საქართველოს საგარეო საქმეთა სამინისტრო უკრაინის ქალაქ კრამატორსკის რკინიგზის სადგურზე თავდასხმას ეხმიანება.
"აბსოლუტურად გამანადგურებელია იმის ნახვა, როგორ ახორციელებს რუსეთი დარტყმას კრამატორსკის რკინიგზის სადგურზე, რომელიც მოქალაქეების ევაკუაციისთვის გამოიყენებოდა. ჩვენ მკაცრად ვგმობთ მორიგ სასტიკ თავდასხმას უდანაშაულო ხალხის წინააღმდეგ. ჩვენ უკრაინის გვერდით ვდგავართ", - წერს "ტვიტერზე" საქართველოს საგარეო უწყება.
It is absolutely devastating to see Russia strike the train station in #Kramatorsk used for the evacuation of civilians. We strongly condemn yet another brutal attack against innocent people. We #StandWithUkraine
— MFA of Georgia (@MFAgovge) April 8, 2022
დღეს, 8 აპრილს რუსმა ოკუპანტებმა კრამატორსკის რკინიგზის სადგურზე სარაკეტო იერიში მიიტანეს. სარაკეტო დარტყმის დროს ვაგზალზე 4 ათასამდე ადამიანი იმყოფებოდა, რომლებიც უსაფრთხო ადგილზე ევაკუაციას ცდილობდნენ. თავდასხმის შედეგად 50 ადამიანი დაიღპუა, ათეულობით დაშავდა.
რუსეთი უკრაინას ადანაშაულებს რკინიგზის სადგურის დაბომბვაში.