პუტინი აგრძელებს ამაზრზენ ტაქტიკას და იტაცებს უკრაინის მშვიდობიან მოქალაქეებს - ლიზ ტრასი
საქართველო, თბილისი - 2022-03-29 12:35:00
პუტინი აგრძელებს ამაზრზენ ტაქტიკას და იტაცებს უკრაინის მშვიდობიან მოქალაქეებს, - ამის შესახებ დიდი ბრიტანეთის საგარეო საქმეთა მინისტრმა ლიზ ტრასმა Twitter-ზე დაწერა.
მისი თქმით, პუტინი წარუმატებლობის გამო, მიმართავს სასოწარკვეთილ ზომებს.
"პუტინი აგრძელებს ამაზრზენი ტაქტიკის გამოყენებას უკრაინელი ხალხის წინააღმდეგ, მათ შორის უდანაშაულო მშვიდობიანი მოქალაქეების გატაცებას. ის ვერ აღწევს თავის მიზნებს და მიმართავს სასოწარკვეთულ ზომებს. პუტინი უნდა დამარცხდეს უკრაინაში", - წერს ლიზ ტრასი.
Putin continues to use abhorrent tactics against the Ukrainian people, including abducting innocent civilians.
— Liz Truss (@trussliz) March 28, 2022
He is not achieving his objectives and is resorting to desperate measures.
Putin must fail in Ukraine. #thetaken https://t.co/ydgbvdZI1P
ტრასმა აღნიშნული განცხადება მას შემდეგ გააკეთა, რაც უკრაინის უფლებადამცველმა ცენტრმა "ზმინამ" განაცხადა, რომ იდენტიფიცირებულია ათობით მოქალაქე, რომლებიც რუსებს ტყვედ ჰყავთ აყვანილი. ამასთან ორგანიზაცია აცხადებს, რომ ათასობით უკრაინელი რუსეთში ძალის გამოყენებით გაიყვანეს.