ზალკალიანმა დაგმო მარიუპოლის ბავშვთა საავადმყოფოზე თავდასხმა
საქართველო, თბილისი - 2022-03-10 15:23:00
საქართველოს საგარეო საქმეთა მინისტრმა, დავით ზალკალიანმა მარიუპოლის ბავშვთა საავადმყოფოსა და სამშობიაროს დაბომბვას ლაჩრულ თავდასხმა უწოდა.
„არაფერია იმაზე გამანადგურებელი, ვიდრე იმის მოსმენა, თუ როგორ ბარბაროსულად დაიბომბა გუშინ მარიუპოლის სამშობიარო და ბავშვთა საავადმყოფო. ჩვენ უკრაინის გვერდით ვდგავართ და მკაცრად ვგმობთ ამ ლაჩრულ თავდასხმას დაუცველ, უდანაშაულო მოქალაქეებზე. ეს სამარცხვინო ხოცვა დაუყოვნებლივ უნდა დასრულდეს. რუსული აგრესია უნდა შეწყდეს“, დაწერა დავით ზალკალიანმა Twitter-ზე.
It is nothing short of devastating to hear of the barbaric bombing of maternity & children's hospital in #Mariupol. We #StandWithUkraine & strongly condemn this cowardly attack on defenseless, innocent civilians. This shameful massacre must end immediately #StopRussianAggression
— David Zalkaliani (@DZalkaliani) March 10, 2022
გუშინ, 9 მარტს რუსეთის საოკუპაციო ძალების მიერ მარიუპოლის სამშობიარო სახლისა და ბავშვთა საავადმყოფოს დაბომბვის შედეგად 3 ადამიანი დაიღუპა და 17 დაშავდა.
დასავლეთმა მკაცრად დაგმო სამშობიარო სახლზე თავდასხმა და მას ამაზრზენი ქმედება უწოდა.