უკრაინის ევროკავშირში წევრობის განაცხადს უახლოეს დღეებში განვიხილავთ - შარლ მიშელი
საქართველო, თბილისი - 2022-03-07 17:46:00
უკრაინის განაცხადი ევროკავშირში გაწევრიანების შესახებ უახლოეს დღეებში განიხილება, - განაცხადა ევროპული საბჭოს პრეზიდენტმა შარლ მიშელმა.
"უკრაინის ევროკავშირში წევრობის განაცხადს უახლოეს დღეებში განვიხილავთ", - დაწერა "ტვიტერზე" შარლ მიშელმა.
The EU’s solidarity, friendship and unprecedented assistance for #Ukraine are unwavering.
— Charles Michel (@eucopresident) March 7, 2022
We will discuss Ukraine’s membership application in coming days.
"ევროკავშირი მტკიცედ დგას უკრაინის გვერდით რუსეთის აგრესიით გამოწვეული ჰუმანიტარული ტანჯვის შესამსუბუქებლად და ბირთვული უსაფრთხოების უზრუნველსაყოფად", - დასძინა მიშელმა. "ევროკავშირის სოლიდარობა, მეგობრობა და უპრეცედენტო დახმარება უკრაინისთვის ურყევია".
უკრაინის პრეზიდენტმა ვლადიმირ ზელენსკიმ 28 თებერვალს ხელი მოაწერა განცხადებას უკრაინის ევროკავშირში გაწევრიანების შესახებ.