რუსეთმა უხეშად დაარღვია მინსკის შეთანხმებები და საერთაშორისო სამართალი - შარლ მიშელი
საქართველო, თბილისი - 2022-02-22 00:04:00
ევროპული საბჭოს პრეზიდენტმა შარლ მიშელმა ვლადიმირ პუტინის გადაწყვეტილებას ლუგანსკის და დონეცკის სეპარატისტული რესპუბლიკების აღიარების შესახებ "საერთაშორისო სამართლისა და მინსკის შეთანხმებების უხეში დარღვევა უწოდა". ამის შესახებ შარლ მიშელმა Twitter-ის საკუთარ გვერდზე დაწერა.
"უკრაინაში ორი სეპარატისტული ტერიტორიის აღიარება საერთაშორისო სამართლის, უკრაინის ტერიტორიული მთლიანობისა და მინსკის შეთანხმებების აშკარა დარღვევაა. მოსკოვის ამ ნაბიჯს ევროკავშირი და მისი პარტნიორები ერთიან და მტკიცე პასუხს გასცემენ", - წერს მიშელი.
The recognition of the two separatist territories in #Ukraine is a blatant violation of international law, the territorial integrity of Ukraine and the #Minsk agreements
— Charles Michel (@eucopresident) February 21, 2022
EU and its partners will react with unity, firmness and determination in solidarity @ZelenskyyUa @POTUS
ცოტა ხნის წინ, პუტინმა სეპარატისტული დონეცკისა და ლუგანსკის რესპუბლიკების "დამოუკიდებლობა" აღიარა.