მზად ვართ გადამწყვეტი ზომებისთვის, თუ რუსეთი იმოქმედებს - სენატორი შაჰინი
საქართველო, თბილისი - 2022-01-10 11:43:00
შეერთებული შტატების სენატის ევროპისა და რეგიონული უსაფრთხოების ქვეკომიტეტის დემოკრატი თავმჯდომარე ჯინ შაჰინი ეხმიანება მიმდინარე კვირაში სხვადასხვა ფორმატში რუსეთთან დაგეგმილ მოლაპარაკებებს.
სენატორის განცხადებით, შეერთებული შტატები მზად არის გადამწყვეტად უპასუხოს რუსეთის მოქმედებებს.
"სტრატეგიული სტაბილურობის დიალოგი წარმოადგენს რუსეთთან დიპლომატიის კრიტიკული კვირის დასაწყისს. პუტინისთვის ცხადი უნდა იყოს: დიპლომატიური გზით მას აქვს ამ სიტუაციის დეესკალაციის შესაძლებლობა. არჩევანი მასზე, მაგრამ ჩვენ მზად ვართ გადამწყვეტად ვუპასუხოთ, თუ რუსეთი იმოქმედებს", - წერს შაჰინი "ტვიტერზე".
The Strategic Stability Dialogue marks the beginning of a critical week of diplomacy w/Russia. It must be made clear to Putin: through diplomacy, he has the opportunity to de-escalate this situation. The choice is his. But we are prepared to respond decisively if Russia acts out.
— Sen. Jeanne Shaheen (@SenatorShaheen) January 9, 2022
შეგახსენებთ, 10 იანვარს, ჟენევაში "სტრატეგიისა და უსაფრთხოების საკითხებზე" მოლაპარაკებებს გამართავენ რუსეთის და ამერიკის დელეგაციები. ჟენევაში კონსულტაციების შემდეგ, 12 იანვარს ბრიუსელში ნატო-რუსეთის საბჭოს სხდომა გაიმართება, მოლაპარაკებები გაგრძელდება 13 იანვარს ვენაში, ეუთო-ს ფორმატში.