ხე-ტყის უკანონო ტრანსპორტირების ფაქტი თბილისში
საქართველო, თბილისი - 2021-04-07 11:25:00
გარემოსდაცვითი ზედამხედველობის დეპარტამენტის გარემოსდაცვითი პატრულირებისა და სწრაფი რეაგირების სამსახურის თანამშრომლებმა ხე-ტყის უკანონო ტრანსპორტირების ფაქტი გამოავლინეს.
თბილისი ზღვის მიმდებარე ტერიტორიაზე შეჩერებული ავტომანქანის ძარაზე, 1,5 მ3 წიწვოვანი სახეობის პირველადი გადამუშავების პროდუქტი - ფიცარი იყო განთავსებული.
მძღოლმა ვერ წამოადგინა შესაბამისი დოკუმენტაცია. ავტომანქანა დაილუქა, შედგა შესაბამისი აქტი.