სატელევიზიო სერიალი "სექსი დიდ ქალაქში" ეკრანს უბრუნდება
საქართველო, თბილისი - 2021-01-11 12:07:00
საკულტო სატელევიზიო სერიალი "სექსი დიდ ქალაქში" ეკრანებს უბრუნდება. ინფორმაცია სარა ჯესიკა პარკერმა, სინტია ნიქსონმა და კრისტინ დევისმა ოფიციალურად დაადასტურეს.
სერიალის ახალ პროექტზე HBO Max-ი იმუშავებს.
გასულ შაბათ-კვირას, სერიალის ყოფილმა მსახიობებმა Instagram-ის საკუთარ გვერდებზე თიზერი გამოაქვეყნეს: ვიდეო შედგება ნიუ-იორკის კადრებისა და კერი ბრედშოუს (სარა ჯესიკა პარკერის გმირი) მინაწერით "ამბავი გრძელდება".
"სექსი და ქალაქი" ეკრანებზე მინი სერიალის ფორმატით დაბრუნდება, მაგრამ The Hollywood Reporter- ის თანახმად, ცნობილი ოთხეულის ყველა მონაწილე არ მიიღებს მონაწილეობას ახალ პროექტში. მსახიობმა კიმ კატრალმა, რომელიც სამანტას როლს ასრულებდა, უარი თქვა მინისერიალში მონაწილეობაზე.
მინისერიალი 30-წუთიანი 10 ეპიზოდისგან შედგება და მოგვითხრობს სერიალის გმირების ცხოვრებას მას შემდეგ, რაც 50 წელს მიაღწიეს.
როგორც იუწყებიან, მინისერიალის გადაღებები 2021 წლის გაზაფხულზე დაიწყება.