კორონავირუსის ახალი სახეობის გავრცელების ფონზე, ბრიტანეთში განგაშის მე-4 დონე ამოქმედდა
საქართველო, თბილისი - 2020-12-19 23:15:00
კორონავირუსის ახალი სახეობის გავრცელების ფონზე, 20 დეკემბრიდან ლონდონში, ასევე სამხრეთ-აღმოსავლეთ და აღმოსავლეთ ინგლისის ზოგიერთ ნაწილში ე.წ. კოვიდგანგაშის ახალი, მეოთხე დონის სისტემა Tier Four ამოქმედდება.
ამის შესახებ დიდი ბრიტანეთის პრემიერ-მინისტრმა, ბორის ჯონსონმა განაცხადა.
"ამ ვითარების გათვალისწინებით, შობას ისე ვერ შევხვდებით, როგორც ვგეგმავდით", - დასძინა ჯონსონმა.
განგაშის მე-4 დონე გულისხმობს შემდეგ შეზღუდვებს:
ზემოთ აღნიშნულ რეგიონებში მცხოვრები ადამიანები უნდა დარჩნენ სახლში. გამონაკლისია გადაადგილება განათლებისა და სამუშაო ადგილზე მისვლის მიზნით;
სტუმართმოყვარეობის სექტორი დახურულია;
სახლიდან მუშაობა, სადაც ეს შესაძლებელია;
ყველა სახის სავაჭრო ობიექტი და საგანმანათლებლო დაწესებულება, ასევე გამაჯანსაღებელი გასართობი იხურება;
პირმა არ უნდა დატოვოს კოვიდგანგაშის მეოთხე ზონა, სადაც შეზღუდვები მოქმედებს და არ უნდა იმოგზაუროს აღნიშნული ზონის ფარგლებს გარეთ;
აღნიშნულ ზონაში მცხოვრებ ადამიანებს შობის დღესასწაულზე ეკრძალებათ დანარჩენი სამ დონის სისტემის ფარგლებში მცხოვრები ოჯახისა და ე.წ. მხარდამჭერი წრის წევრების მონახულება;
აღნიშნული შეზღუდვები მათი შენარჩუნების/შეცვლის მიზნით 30 დეკემბერს გადაიხედება.
დიდ ბრიტანეთში კორონავირუსის ახალი სახეობა აღმოაჩენის შესახებ 14 დეკემბერს გახდა ცნობილი.