მსოფლიოში, ბოლო 24 საათში COVID-19-ით ინფიცირების რეკორდული რაოდენობა გამოვლინდა
საქართველო, თბილისი - 2020-10-08 23:27:00
ჯანმრთელობის მსოფლიო ორგანიზაციის ინფორმაციით, მსოფლიოში, ბოლო 24 საათში COVID-19-ით ინფიცირების 338 ათასზე მეტი შემთხვევა გამოვლინდა, რაც პანდემიის დაწყებიდან რეკორდული მაჩვენებელია.
ინფიცირების ყველაზე ბევრი შემთხვევა ჩრდილოეთ და სამხრეთ ამერიკაში დაფიქსირდა (122 715), შემდეგ კი ევროპაში (96 996).
მსოფლიოში COVID-19-თ ინფიცირებულთა რაოდენობამ 36 მილიონს გადააჭარბა, გარდაიცვალა მილიონზე მეტი ადამიანი, ჯონს ჰოპკინსის უნივერსიტეტის მონაცემებით, კორონავირუსით ყველაზე მეტად დაზიანებული ქვეყნებია აშშ, ინდოეთი, ბრაზილია და რუსეთი.