ლუკაშენკას გადაწყვეტილებით, ბელარუსის არმიაში სრული სამხედო მზადყოფნა გამოცხადდა
საქართველო, თბილისი - 2020-08-22 16:16:00
ბელარუსის პრეზიდენტის ალიაქსანდრ ლუკაშენკას გადაწყვეტილებით, არმიის სრული სამხედრო მზადყოფნა გამოცხადდა. ინფორმაციას ბელარუსის სახელმწიფო სააგენტო ავრცელებს.
გავრცელებული ცნობით, ლუკაშენკამ აღნიშნული გადაწყვეტილება "ბელარუსის საზღვრებთან ნატო-ს სამეხდრო შენაერთების გააქტიურებით" ახსნა.
"ჩვენი საზღვრების სიახლოვეს, პოლონეთისა და ლიეტუვის ტერიტორიაზე შეინიშნება ნატო-ს ძალების გადაადგილება", - განმარტავს ლუკაშენკა.
მისი თქმით, არმიის სრულ მზადყოფნაში მოყვანა პირველად მოხდა ბოლო 25 წლის განმავლობაში.
ბელარუსში პოლიტიკური კრიზისი, რომელიც 9 აგვისტოს საპრეზიდენტო არჩევნების შემდეგ დაიწყო, რომლის შედეგებიც ოპოზიციამ არ ცნო. ქვეყანაში მიმდინარეობს საპროტესტო აქციები და გაფიცვები.