ანა ფოტიგა სალომე ზურაბიშვილს გიორგი რურუას შეწყალებისკენ მოუწოდებს
საქართველო, თბილისი - 2020-07-30 13:42:00
ევროპარლამენტარი ანა ფოტიგა სასამართლოს მიერ გიორგი რურუასთვის საპატიმრო სასჯელის გამოტანას ეხმიანება და საქართველოს პრეზიდენტს მისი შეწყალებისკენ მოუწოდებს.
"საქართველოს ბევრი მეგობარი პოლიტიკურ გადაწყვეტილებად მიიჩნევს მედიის მფლობელი გიორგი რურუას ჯერ დაკავებას, ახლა კი მისთვის პატიმრობის მისჯას. მოვუწოდებ საქართველოს პრეზიდენტს, გამოიყენოს მისი უფლებამოსილება, როგორც ეს გააკეთა იმ დანარჩენ პირებთან მიმართებაში, რომლებიც იყვნენ 8 მარტის შეთანხმების ნაწილი. ეს წინასაარჩევნო კლიმატს გააუმჯობესებდა", - წერს ანა ფოტიგა მიკრობლოგ "ტვიტერზე".
Many friends of #Georgia view arrest and now sentencing of media owner Giorgi #Rurua as political. I encourage the President of Georgia 🇬🇪 to use her powers as she did with other figures who were part of the #March8Agreement. That would improve climate in the run up to elections.
— Anna Fotyga - Biuro Poselskie (@AnnaFotyga_PE) July 30, 2020
დღეს, თბილისის საქალაქო სასამართლომ მთავარი არხის მეწილე გიორგი რურუა დამნაშავედ ცნო და 4 წლით თავისუფლების აღკვეთა მიუსაჯა.