ამერიკაში კორონავირუსის მსხვერპლთა ხსოვნის პატივის მისაგებად დროშები სამი დღით დაშვებული იქნება
საქართველო, თბილისი - 2020-05-22 18:48:00
შეერთებული შტატების პრეზიდენტის, დონალდ ტრამპის განკარგულებით, ფედერალურ შენობებზე სახელმწიფო დროშები 3 დღის განმავლობაში დაშვებული იქნება, ნიშნად იმ ამერიკელთა ხსოვნის პატივისცემისა, რომლებიც კორონავირუსის პანდემიას ემსხვერპლნენ.
პრეზიდენტმა საკუთარი გადაწყვეტილების შესახებ მიკრობლოგ "ტვიტერზე" დაწერა.
I will be lowering the flags on all Federal Buildings and National Monuments to half-staff over the next three days in memory of the Americans we have lost to the CoronaVirus....
— Donald J. Trump (@realDonaldTrump) May 21, 2020
დროშები დაშვებული იქნება ორშაბათსაც, როდესაც შეერთებულ შტატებში ხსოვნის დღე აღინიშნება. ორშაბათს დროშების დაშვებით ამერიკა პატივს მიაგებს ყველა დაღუპულ ჯარისკაცს.
შეგახსენებთ, ჯონს ჰოპკინსის უნივერსიტეტის მონაცემებით, შეერთებულ შტატებში კორონავირუსით ინფიცირების 1 577 758 შემთხვევა აღირიცხა. გარდაიცვალა 94 729 პაციენტი, ხოლო 298 418 გამოჯანმრთელდა.