ირანში მოსახლეობამ ცეცხლი წაუკიდა საავადმყოფოს, სადაც კორონავირუსით დაინფიცირებული პაციენტები იმყოფებოდნენ - მედია
საქართველო, თბილისი - 2020-02-29 21:32:00
ირანში მოსახლეობამ ცეცხლი წაუკიდა საავადმყოფოს, სადაც კორონავირუსით დაინფიცირებული პაციენტები იმყოფებოდნენ. ამის შესახებ Deutshce Welle წერს ირანულ მედიაზე დაყრდნობით.
იუწყებიან, რომ ქალაქ ბენდერ აბასში ადგილობრივებმა დაწვეს საავადმყოფო, სადაც სავარაუდოდ ქალაქ ყუმიდან კორონავირუსით ინფიცირებულები მიიყვანეს.
ქალაქ ყუმი ირანში კორონავირუსის ეპიცენტრია.
ხანძარი სწრაფად ჩააქრეს, დაშავებულებისა და დაღუპულების შესახებ ინფორმაცია არ ვრცელდება.
სამედიცინო დაწესებულების წარმომადგენლები უარყოფენ, რომ მათ კორონავირუსით დაავადებული პაციენტები ჰყავთ.
ساعتی پیش و درپی انتشار خبری درباره نگهداری چند بیمار مبتلا به #کرونا در درمانگاه شهرک توحید بندرعباس، شماری از مردم معترض به این اقدام با هجوم به درمانگاه، بخشی از آن را به آتش کشیدند. pic.twitter.com/CQVM7noFcQ
— ايران اينترنشنال (@IranIntl) February 28, 2020
ოფიციალური მონაცემებით, ირანში კორონავირუსით ინფიცირებულთა რიცხვმა თითქმის 600 ადამიანს მიაღწია, დაიღუპა 43 ადამიანი. ინფიცირებულთა შორისაა ჯანდაცვის მინისტრის მოადგილე, ვიცე-პრეზიდენტი და პარლამენტის 5 წევრი.