შარლ მიშელი ევროკავშირის საბჭოს საგანგებო სხდომას იწვევს
საქართველო, თბილისი - 2020-01-25 21:56:00
ევროკავშირის საბჭოს პრეზიდენტი შარლ მიშელი წევრი ქვეყნების მთავრობის მეთაურებსა და პრეზიდენტებს საგანგებო შეხვედრაზე იწვევს. ამის შესახებ ნათქვამია შარლ მიშელის მიერ გავრცელებულ ლიდერებისადმი გაგზავნილ წერილში.
შარლ მიშელის თქმით, საგანგებო შეხვედრაზე, რომელიც 20 თებერვალს დაიწყება, უნდა იმსჯელონ და შეთანხმებას მიაღწიონ ევროკავშირის 2021-2027 წლების ფინანსურ ჩარჩო დოკუმენტთან დაკავშირებით.
"სპეციალური წარმომადგენლების დონეზე ჩატარებული შეხვედრების შემდეგ, მე გადავწყვიტე მოვიწვიო ევროკავშირის საბჭოს სპეციალური სხდომა, რომელიც დაიწყება 2020 წლის 20 თებერვალს.
დროა მივაღწიოთ შეთანხმებას ლიდერების დონეზე მრავალწლიან ფინანსურ ჩარჩოსთან დაკავშირებით", - ნათქვამია წერილში.
შარლ მიშელის განცხადებით, ამ საკითხში ნებისმიერი შეფერხება "შექმნის სერიოზულ პრაქტიკულ და პოლიტიკურ პრობლემებს და საფრთხეს შეუქმნის მიმდინარე პროგრამებისა და პოლიტიკის განხორციელებას, ისევე როგორც ახლის დაწყებას."
I will call a special meeting of #EUCO that will begin on 20 February 2020.
— Charles Michel (@eucopresident) January 25, 2020
With common sense and determination we can strike a deal on MFF that will benefit all Europeans.
All sides will need to demonstrate a spirit of compromise. https://t.co/8rvE2uiqGz