ლონდონმა უარყო შოტლანდიის მოთხოვნა დამოუკიდებლობის რეფერენდუმის ჩატარებაზე
საქართველო, თბილისი - 2020-01-14 16:48:00
დიდი ბრიტანეთის მთავრობამ ოფიციალურად უარყო შოტლანდიის პირველი მინისტრის მოთხოვნა დამოუკიდებლობის მეორე რეფერენდუმის ჩატარებისასთან დაკავშირებით.
პრემიერ-მინისტრმა ბორის ჯონსონმა თქვა, რომ რეფერენდუმი "გააგრძელებს პოლიტიკურ სტაგნაციას, რაც კი შოტლანდიას ბოლო ათწლეულის განმავლობაში უნახავს".
შოტლანდიის პირველი მინისტრის, ნიკოლა სტარჯონისთვის გაგზავნილი წერილი ბორის ჯონსონმა მიკრობლოგ "ტვიტერზე" გამოაქვეყნა.
"თქვენ და თქვენმა წინამორბედმა პერსონალური პირობა დადეთ, რომ 2014 წლის რეფერენდუმი იქნებოდა ერთადერთი. შოტლანტიელებმა უკვე გააკეთეს თავიანთი არჩევანი ერთიანობის სასარგებლოდ.
დიდი ბრიტანეთის მთავრობა მხარს უჭერს შოტლანდიელი ხალხის დემოკრატიულ გადაწყვეტილებას, შესაბამისად, ვერ მოგცემთ უფლებას ხელახალი რეფერენდუმის ჩატარებისა", - აღნიშულია ბორის ჯონსონის წერილში.
Today I have written to Nicola Sturgeon. The Scottish people voted decisively to keep our United Kingdom together, a result which both the Scottish and UK Governments committed to respect.
— Boris Johnson (@BorisJohnson) January 14, 2020
Let's make 2020 a year of growth and opportunity for the whole of the UK 🇬🇧 pic.twitter.com/JjQp3X2J2n
შოტლანდიის პირველი მინისტრი ნიკოლა სტრჯონი მიკრობლოგ "ტვიტერზე" გამოეხმაურა ჯონსონის წერილს და აღნიშნა, რომ "კონსერვატორები უარყოფენ დემოკრატიას".
მისივე თქმით, მიმდინარე თვის ბოლომდე, შოტლანდიის მთავრობა იმსჯელებს საპასუხო რეაგირებასთან დაკავშირებით.
"შოტლანდიას აქვს უფლება, განსაზღვროს საკუთარი მომავალი", - დასძენს სტარჯონი.
My full response to UK government letter. #indyref2020 pic.twitter.com/UvAFrDJF1n
— Nicola Sturgeon (@NicolaSturgeon) January 14, 2020
კანონმდებლობით დამოუკიდებლობის რეფერენდუმის ჩატარებისთვის ლონდონის თანხმობა აუცილებელია, წინააღმდეგ შემთხვევაში, მისი შედეგები იურიდიული ძალის მქონედ ვერ ჩაითვლება.
2014 წელს შოტლანდიაში დამოუკიდებლობის შესახებ პირველი რეფერენდუმი გაიმართა, სადაც მოქალაქეების უმეტესობამ, 55%-მა გაერთიანებულ სამეფოში დარჩენა ისურვა.