ახალ ზელანდიაში ვულკანი ამოიფრქვა | ვიდეო
საქართველო, თბილისი - 2019-12-09 10:50:00
ახალ ზელანდიაში კუნძულ უაიტ-აილენდზე ვულკანი ამოიფრქვა.
ახალი ზელანდიის პრემიერის ჯასინდა არდერნის ინფორმაციით, ვულკანის ამოფრქვევის დროს, მის სიახლოვეს ასამდე ადამიანი იმყოფებოდა, ზოგიერთი მათგანი დაკარგულია.
"ასამდე ადამიანი ამოფრქვევის მომენტში ვულკანის სიახლოვეს იმყოფებოდა, ზოგიერთი მათგანი უკვალოდ დაიკარგა", - განაცხადა პრემიერმა.
მისი თქმით, ვულკანის სიახლოვეს მყოფი ადამიანების უმეტესობა ტურისტია.
ახალი ზელანდიის პოლიციამ მოგვიანებით გაავრცელა განცხადება, სადაც ნათქვამია, რომ წინასწარი მონაცემების მიუხედავად, ხელისუფლება ვარაუდობს, რომ ვულკანის სიახლოვეს 50-ზე ნაკლები ადამიანი იმყოფებოდა, მათი ნაწილი კუნძულიდან უკვე ევაკუირებულია.
ქალაქ უაკატანეს მერი ჯუდი ტერნერი აცხადებს, რომ კუნძულზე რამდენიმე ადამიანი დაშავდა.
"მე ბევრი არაფერი ვიცი. ჩემთვის მხოლოდ ცნობილია, რომ მოხდა ამოფრქვევა და კუნძულზე მყოფი რამდენიმე ადამიანი დაშავდა", - განუცხადა მერმა მედიას.
საგანგებო სიტუაციების მართვის სამსახური მეცნიერებთან ერთად ცდილობს დაადგინოს შესაძლო საფრთხის დონე.
My god, White Island volcano in New Zealand erupted today for first time since 2001. My family and I had gotten off it 20 minutes before, were waiting at our boat about to leave when we saw it. Boat ride home tending to people our boat rescued was indescribable. #whiteisland pic.twitter.com/QJwWi12Tvt
— Michael Schade (@sch) December 9, 2019