ირანი არ აპირებს ნავთობის მოპოვების შემცირებას "ოპეკი +"-ის ფარგლებში
საქართველო, თბილისი - 2018-12-08 13:30:00
ირანის ნავთობის მინისტრის ბიჟან ნამდარ ზანგანეს განცხადებით, თეირანი არ აპირებს მონაწილეობა მიიღოს "ოპეკი +"-ის ფორმატის ფარგლებში ნავთობის მოპოვების შემცირების შეთანხმებაში, ვინაიდან მათი ქვეყნის მიმართ მოქმედებს ამერიკის სანქციები.
"ჩვენ გამორიცხულები უნდა ვიყოთ ნავთობის მოპოვების კვოტების ნებისმიერ გადაწყვეტილებიდან მომავალში იქამდე, სანამ მოხსნილი არ იქნება აშშ-ის სანქციები", - აღნიშნა მინისტრმა.
ზანგანეს არ დაუსახელებია მოპოვების მოცულობა, ვინაიდან მისი თქმით, ეს შესაძლებელია გახდეს აშშ-ის მხრიდან ირანზე გავლენის მიზეზი.
"აშშ-ს თუ სურს ირანზე ზეგავლენის მოხდენა ოპეკის მეშვეობით, ეს არაპროფესიული ქმედებაა და მინდა ვთქვა, რომ ოპეკი არ არის აშშ-ის ენერგეტიკის სამინისტროს ნაწილი, რათა მიიღოს ინსტრუქციები აშშ-გან, თუ რა როგორ გააკეთოს", -აღნიშნა ზანგანემ.