2019 წლის ბიუჯეტში გამოყოფილი თანხა გათვალისწინებულია MAN-ის ავტობუსების შესყიდვის მიზნით აღებული სესხის ძირის დასაფარად - ირაკლი ხმალაძე
საქართველო, თბილისი - 2018-11-16 14:43:00
დედაქალაქის 2019 წლის ბიუჯეტში წარმომადგენლობითი ხარჯები არ გაზრდილა.
ამის შესახებ თბილისის ვიცე-მერმა ირაკლი ხმალაძემ განაცხადა. მისი განმარტებით, გაზრდილია წარმომადგენლობითი და აღმასრულებელი ორგანოების დაფინანსება და არა წარმომადგენლობითი ხარჯი.
„გაზრდილია წარმომადგენლობითი და აღმასრულებელი ორგანოების დაფინანსება, ვინაიდან 2019 წლიდან დგება MAN-ის ავტობუსების შესყიდვის მიზნით აღებული სესხის ძირი თანხის გადახდის ვალდებულება, შესაბამისად, სწორედ ამისთვის არის გათვალისწინებული 2019 წლის ბიუჯეტში“, - განაცხადა დედაქალაქის ვიცე-მერმა.